چین اور امریکہ کے درمیان  تجارتی تعاون میں تناؤ  موجود ہے ، چینی وزیر تجارت  

بیجنگ :چینی  وزیر تجارت وانگ وین تاؤ نے امریکی  اور چینی تجارتی قومی  کمیٹی کے بورڈ کے چیئرمین ریس بو اور صدر تان سن کی قیادت میں  کمیٹی کی رکن کمپنیوں کے وفد سے ملاقات کی۔ فریقین نے  چین اور امریکہ کے اقتصادی اور تجارتی تعلقات، چین میں امریکی سرمایہ کار کمپنیوں کی ترقی جیسے موضوعات پر تبادلہ خیال کیا۔منگل کے روزوانگ وین تاؤ نے کہا کہ چین اور امریکہ کے درمیان اقتصادی و تجارتی تعاون میں کچھ اختلافات اور تناؤ  ضرور موجود ہے ، لیکن اہم بات یہ ہے کہ ایک دوسرے کے بنیادی مفادات اور  تشویش کے اہم پہلوؤں کا  احترام کیا جائے اور برابری کی بنیاد پر مکالمے کے ذریعے اختلافات کو مناسب طریقے سے حل کیا جائے۔وانگ وین تاؤ نے زور دیا کہ چین کی اقتصادی ترقی دُنیا کے غیر مستحکم حالات کے لیے استحکام اور یقین دہانی فراہم کرتی ہے۔ چین اعلیٰ معیار کی ترقی کو فروغ دینے پر توجہ دے گا، اعلیٰ سطح کے  کھلے پن کو   مضبوطی سے  آگے بڑھائے گا اور کاروباری ماحول کو بہتر بناتا رہے گا۔ ان کا کہنا تھا کہ امریکی کمپنیوں کی چین کی مارکیٹ میں مزید سرمایہ کاری  اور چین کے ساتھ ترقی اور مشترکہ پیش رفت  کا خیر مقدم کیا جاتا ہے ۔ ملاقات میں شریک  امریکی تجارتی  نمائندوں نے کہا کہ امریکی کمپنیاں چین کو ایک ایسی اسٹریٹجک مارکیٹ اور طویل مدتی شراکت دار سمجھتی ہیں  جس کا کوئی متبادل نہیں ۔امریکی کمپنیاں  چین کے ترقیاتی منصوبوں کے ساتھ مثبت  تعلق  قائم کریں گی، چین کے ساتھ تعاون کو مزید گہرا کریں گی اور باہمی مفاد اور کامیابی  کے مقصد کو  حاصل کریں گی۔