چین-امریکہ اقتصادی مشاورتی میکانزم کے کردار کو مزید فعال بنایا جائے، چینی وزارتِ تجارت

بیجنگ :چین کی وزارتِ تجارت کے ترجمان حہ یا دونگ نے چین-امریکہ اقتصادی و تجارتی تعلقات پر اظہارِ خیال کرتے ہوئے کہا کہ گزشتہ سال سےدونوں ممالک کے سربراہان مملکت کے اہم اتفاقِ رائے کی تزویراتی رہنمائی میں، چین اور امریکہ نے چھ راؤنڈز پر مشتمل اقتصادی و تجارتی مذاکرات کے بعد متعلقہ شعبے میں متعدد اہم نتائج حاصل کیے ہیں، جس سے دو طرفہ اقتصادی و تجارتی تعلقات اور عالمی معیشت میں مزید استحکام اور یقین دہانی کو فروغ ملا ہے۔ جمعرات کے روز انہوں نے کہا کہ حقائق سے واضح ہوتا ہے کہ باہمی احترام اور مساوی گفت و شنید پر قائم رہنا اختلافات کو ختم کرنے اور مسائل حل کرنے کا بہترین طریقہ ہے۔ چین اور امریکہ کو چاہئے کہ وہ اقتصادی و تجارتی مذاکراتی میکانزم کے کردار کو مزید فعال بناتے ہوئے گفت و شنید اور رابطہ مضبوط کریں، اختلافات کو مناسب طریقے سے کنٹرول کریں، عملی تعاون کو بڑھائیں، اور چین-امریکہ اقتصادی و تجارتی تعلقات کی صحت مند، مستحکم اور پائیدار ترقی کو فروغ دیں۔