وزیرِ اعظم شہباز شریف سرکاری دورے پر سعودی عرب روانہ ہو گئے۔
وزیرِ اعظم شہباز شریف 18 اپریل تک سعودی عرب، قطر اور ترکیہ کا سرکاری دورہ کریں گے۔
ترجمان دفترِ خارجہ کے مطابق سعودی عرب اور قطر کے دورے دو طرفہ تعلقات اور علاقائی امن پر مرکوز ہوں گے۔
وزیرِ اعظم شہباز شریف کے ہمراہ نائب وزیرِ اعظم اسحاق ڈار، وزیرِ اطلاعات عطاء تارڑ اور معاونِ خصوصی طارق فاطمی بھی روانہ ہوئے ہیں۔
ترجمان دفترِ خارجہ کے مطابق وزیرِ اعظم سعودی عرب اور قطر کی قیادت سے ملاقاتیں کریں گے۔
ملاقاتوں میں دو طرفہ تعاون کے ساتھ ساتھ علاقائی امن و سلامتی پر تبادلۂ خیال کیا جائے گا۔
وزیرِ اعظم پانچویں انطالیہ ڈپلومیسی فورم میں شرکت کے لیے ترکیہ کا بھی دورہ کریں گے۔
وزیرِ اعظم شہباز شریف کی ترک صدر اردوان اور دیگر عالمی رہنماؤں سے دو طرفہ ملاقاتیں بھی متوقع ہیں۔
PNP
Comments are closed.