چین کی ڈیجیٹل انڈسٹری میں سال بہ سال 9.4 فیصد کا اضافہ

چین کی وزارت صنعت و انفارمیشن ٹیکنالوجی کے مطابق رواں سال کی پہلی سہ ماہی میں چین کی ڈیجیٹل انڈسٹری نے 8.5 ٹریلین یوآن کی کاروباری آمدنی حاصل کی جو سال بہ سال 9.4 فیصد کا اضافہ ہے اور شرح نمو میں گزشتہ سال کے اسی عرصے کے مقابلے میں 4.4 فیصد پوائنٹس زیادہ ہے۔ مینوفیکچرنگ اور سروس کے شعبوں میں بالترتیب 10.4 فیصد اور 8.2 فیصد کا اضافہ دیکھا گیا۔ مارچ کے اختتام تک ملک بھر میں 4.395 ملین 5 جی بیس اسٹیشن تعمیر کیے جا چکے ہیں اور 86 شہروں میں 10 پائلٹ گیگا بٹ آپٹیکل نیٹ ورکس کی تعیناتی کا آغاز کیاگیا ہے۔ چین میں زیر استعمال کمپیوٹنگ پاور سینٹر میں معیاری ریکس کی تعداد 9 ملین سے تجاوز کر گئی ہے۔ مصنوعی ذہانت اور کلاؤڈ پلیٹ فارمز سمیت ابھرتے ہوئے کاروباروں کی بدولت چین میں سافٹ ویئر انڈسٹری نے 3.1 ٹریلین یوآن کی کاروباری آمدنی حاصل کی ، جو سال بہ سال 10.6 فیصد کا اضافہ ہے۔