کراچی: 3 ڈاکو اور 1 کار لفٹر گرفتار

کراچی کے علاقے اورنگی ٹاؤن سیکٹر 10 ایل میں مبینہ پولیس مقابلے کے بعد زخمی سمیت 3 ڈاکو گرفتار کر لیے گئے۔

ڈاکوؤں کے قبضے سے اسلحہ اور موٹر سائیکل برآمد کر لی گئی ہے۔

فیڈرل بی انڈسٹریل ایریا میں پولیس اور کار لفٹروں کے درمیان فائرنگ کا تبادلہ ہوا، جس کے بعد پولیس نے 1 کار لفٹر کو زخمی حالت میں گرفتار کر لیا جبکہ اس کے 2 ساتھی فرار ہو گئے۔

گرفتار کار لفٹر سے پستول اور الفلاح کے علاقے سے چوری کی گئی کار برآمد ہوئی ہے۔

علاوہ ازیں صفورا چورنگی کے قریب 4 ڈاکو نوجوان سے موبائل فون اور موٹر سائیکل چھین کر فرار ہو گئے۔