اسلام آبادہائیکورٹ:فواد چودھری کی الیکشن کمیشن کی کارروائی کے خلاف درخواست مسترد
سابق وفاقی وزیر فواد چودھری کے خلاف توہین الیکشن کمیشن کیس کا محفوظ فیصلہ سنا دیا گیا،اسلام آباد ہائیکورٹ کے چیف جسٹس عامر فاروق نے محفوظ فیصلہ سنا یا ۔
اسلام آباد ہائیکورٹ نے فواد چوہدری کی الیکشن کمیشن کی توہین عدالت کارروائی کے خلاف درخواست مسترد کر دی،
فواد چوہدری نے دو فورمز پر کارروائی کرنے کو چیلنج کر رکھا تھا۔
فواد چوہدری کی درخواست میں کہا گیا تھا کہ سیشن کورٹ اور الیکشن کمیشن 2فورمز پر میرے خلاف ایک ہی الزام میں2 کارروائیاں چل رہی ہیں۔درخواست میں کہا گیا تھا کہ ایک الزام میں ایک ہی فورم پر کارروائی چل سکتی ہے، عدالت عالیہ سے استدعا ہے کہ الیکشن کمیشن کو کارروائی سے روکنے کا حکم دیا جائے۔
فواد چوہدری کی طرف سے 20جون کو دائر کی گئی درخواست پر 7جولائی کو فیصلہ محفوظ ہوا تھا، جو(آج) سنا دیا گیا۔
