لاہور: ملازمت کے بہانے بلاکر شادی شدہ خاتون سے بیٹی کی موجودگی میں اجتماعی زیادتی

اسلام آباد (نیوز ڈ یسک) لاہور میں ملازمت فراہم کرنے کا وعدہ کرکے ایک شادی شدہ خاتون کو مبینہ طور پر گھر میں لے جایا گیا، جہاں اسے اجتماعی زیادتی کا نشانہ بنانے کا الزام سامنے آیا ہے۔

نجی ٹی وی کے مطابق واقعے کی درج ایف آئی آر میں مؤقف اختیار کیا گیا ہے کہ خاتون کو اس کے سسرالی رشتے دار کی مبینہ ملی بھگت سے ایک گھر پہنچایا گیا، جہاں پہلے سے موجود دو افراد نے مبینہ طور پر اس کے ساتھ زیادتی کی۔ایف آئی آر کے مطابق افسوسناک واقعے کے دوران متاثرہ خاتون کی ڈیڑھ سالہ بیٹی بھی کمرے میں موجود تھی۔پولیس کے مطابق خاتون اپنے بہنوئی عمران کے ہمراہ ملازمت کے سلسلے میں 5 نمبر اسٹاپ پہنچی تھی، جہاں سے اسے مبینہ طور پر گھر لے جایا گیا۔

واقعے کی اطلاع ملنے پر پولیس نے ملزمان کے خلاف زیادتی کی دفعات کے تحت مقدمہ درج کرلیا ہے۔پولیس حکام کا کہنا ہے کہ مبینہ ملزمان واقعے کے بعد فرار ہوگئے، جن کی گرفتاری کے لیے مختلف مقامات پر چھاپے مارے جارہے ہیں۔