فلائی دبئی کا اسرائیل کیلئے تمام پروازیں معطل کرنے کا اعلان

اماراتی ایئرلائن فلائی دبئی نے اسرائیل کے لیے اپنی تمام پروازیں عارضی طور پر معطل کرنے کا اعلان کردیا ہے۔
فلائی دبئی کے ترجمان کے مطابق اسرائیل کے لیے پروازوں کی معطلی تحقیقات مکمل ہونے تک جاری رہے گی۔
ترجمان کا کہنا ہے کہ مسافروں اور عملے کی حفاظت کے ساتھ ساتھ پروازوں کے محفوظ آپریشن کو ایئرلائن کی اولین ترجیح حاصل ہے۔
فلائی دبئی نے پروازوں کی معطلی سے متاثر ہونے والے مسافروں سے معذرت بھی کی ہے۔