حکومت پاکستان کی درخواست پر اور چین کے اسٹیٹ پورٹ مینجمنٹ آفس کی منظوری سے چین کا سنکیانگ خنجراب پاس 2 سے 16 جنوری تک عارضی طور پر کلئیرنس کے لئے کھلا رہےگا۔ 2 جنوری کو پاکستان کے ضروری سامان سے لدے 19 ٹرک سرحدی معائنے کا عمل مکمل کرنے کے بعد شاہراہ قراقرم کے راستے چین سے پاکستان روانہ ہوئے۔
بلند پہاڑی سلسلے اور برف باری کے باعث موسمی اثرات کم کرنے کےلئے خنجراب بارڈر انسپکشن اسٹیشن نے کسٹم کلیئرنس کے عمل کو مسلسل بہتر بنایا ہے، ون اسٹاپ کسٹم کلیئرنس سروس، “بیلٹ اینڈ روڈ” کے خصوصی چینلز اور ہنگامی کسٹم کلیئرنس سمیت دیگر سہولیات فراہم کی ہیں اور اندرون اور بیرون ملک جانے والی گاڑیوں اور مسافروں کے لئے کسٹم کلیئرنس کی کارکردگی کو مزید بہتر بنایا ہے۔
