اسلام آباد،بھکاری خاتون کو پولیس حراست سے فرار کرانے پر کانسٹیبل گرفتار

اسلام آباد(پی این پی)دوران ڈیوٹی رشوت لیکر بھکاری خاتون کو پولیس حراست سے فرار کرانے پر کانسٹیبل افضل احمد کے خلاف تھانہ رمنا میں مقدمہ درج کرکے گرفتار کرلیا گیا۔

ایس ایس پی آپریشنز اسلام آباد قاضی علی رضا نے بتایا کہ کانسٹیبل کو قانون کے مطابق قرار واقعی سزا دلوائی جائے گی، بدعنوانی میں ملوث پولیس اہلکار کسی رعایت کے مستحق نہیں۔ایس ایس پی آپریشنز کے مطابق اسلام آباد پولیس کی کرپشن کے خلاف زیرو ٹالرنس پالیسی ہے، وردی کی آڑ میں بدعنوانی ناقابلِ برداشت ہے۔قاضی علی رضا نے کہا کہ محکمہ کی بدنامی کا باعث بننے والے اہلکاروں کے لئے اسلام آباد پولیس میں کوئی جگہ نہیں، اسلام آباد پولیس میں احتساب کا عمل بلاامتیاز جاری رہے گا۔