اسلام آباد(نیوزڈیسک) پاکستان مسلم لیگ ق کے سینئر رہنما ونومنتخب رکن قومی اسمبلی چودھری سالک حسین نے کہا کہ گالم گلوج اب نہیں چلے گی،اپوزیشن کو احتجاج کی سیاست نہیں کرنی چاہیے۔
تفصیلات کےمطابق چودھری سالک حسین نے میڈیا سےگفتگوکرتے ہوئے کہا کہ وزیر اعظم شہباز شریف کی ساری باتیں مثبت تھیں اس پر عملدرآمد کرنے کی ضرورت ہے،ان تجاویز پر عملدرآمد کے لیے روڈ میپ تیار ہونا چاہئے۔
چودھری سالک کا کہنا تھا کہ چودھر ی شجاعت نے ہمیشہ مفاہمت کے لیے بات کی ہے،احتجاج کریں یا ٹیبل پر بیٹھیں سب کچھ ملک کے لیے ہونا چاہئے،حکومت کو بھی چاہئے اپوزیشن کو ٹیبل پر بٹھائے اور آن بورڈ کرے۔
