آٹھویں چائنہ ساوتھ ایشیا ایکسپومیں پاکستان نے کنٹری آف آنر کا اعزاز حاصل کرلیا

چین میں 23 سے 28 جولائی تک منعقد ہونے والی آٹھویں چائنہ ساوتھ ایشیا ایکسپو میں پاکستان نے کنٹری آف آنر کا اعزاز حاصل کیا۔ پاکستان نے 170 سے زائد سٹالز کے ساتھ شاندار فرنیچر اور قالینوں سے لے کر تازہ پھلوں، کانسی اور اونیکس سے بنی خوبصورت دستکاریوں اور زیورات سمیت متعدد مصنوعات کے ذریعے اپنے متحرک معاشی تنوع کا مظاہرہ کیا۔ پاکستانی پویلین کی خاص بات ڈاکٹر عدنان حفیظ کی جانب سے ایک ٹن سے زائد آموں کے متاثر کن انتخاب کے ساتھ تیار کردہ پاکستانی آموں کی شاندار نمائش تھی۔ ڈاکٹر حفیظ کا مقصد چینی صارفین کو پاکستانی آموں کی مٹھاس اور تنوع سے متعارف کرانا تھا۔