لاہور:لاہور کی اسپیشل سینٹرل عدالت نے سابق وفاقی وزیر چودھری مونس الٰہی سمیت 6 اشتہاری ملزمان کے شناختی کارڈ اور پاسپورٹ بلاک کرنے کا حکم دے دیا۔ اسپیشل سینٹرل عدالت کے جج تنویراحمد شیخ نے ایف آئی اے کے چالان پر سماعت کی۔
ایف آئی اے منی لانڈرنگ کے مقدمے میں ملزمان کے شناختی کارڈ اور پاسپورٹ بلاک کرنے ساتھ عدالت نے ملزمان کا نام پاسپورٹ کنٹرول لسٹ میں ڈالنے کا بھی حکم دیا۔ عدالت نے آئندہ سماعت پر عملدرآمد رپورٹ طلب کرلی ،سماعت19ستمبر تک ملتوی کردی۔
عدالت نے مونس الٰہی کی جائیدادیں اور بینک اکاونٹس کو منجمد کرنے کا حکم بھی دے دیا، مونس الٰہی کے نام پر گلبرگ میں واقع ایک پلاٹ اور ایک گھر بھی منجمد کرنے کا حکم دیدیا گیا، مونس الہیٰ کی قصور میں واقع 26 کینال سےزائد اراضی بھی منجمد کر دی گئی۔
