پوری قوم کی ثقافتی جدت طرازی اور تخلیقی صلاحیتوں کو فروغ دینے کی کوشش کی جانی چاہئے،چینی صدر

بیجنگ:28 اکتوبر کی سہ پہر کمیونسٹ پارٹی آف چائنا کی سینٹرل کمیٹی کے پولیٹیکل بیورو نے ثقافت کے اعتبار سے ایک مضبوط ملک کی تعمیر پر 17 واں اجتماعی مطالعہ کیا۔ سی پی سی سینٹرل کمیٹی کے جنرل سکریٹری شی جن پھنگ نے مطالعے کی صدارت کرتے ہوئے اس بات پر زور دیا کہ 2035 تک ثقافت کے اعتبار سے مضبوط ملک کی تعمیر کے اسٹریٹجک ہدف کی تکمیل کے لیے نئےدور میں چینی خصوصیات کے ساتھ سوشلسٹ ثقافت کو مسلسل فروغ دینا ضروری ہے تاکہ ایک مضبوط ملک کی تعمیر اور قومی احیاء کے لئے ٹھوس ثقافتی بنیاد بنائی جائے ۔
شی جن پھنگ نے نشاندہی کی کہ پوری قوم کی ثقافتی جدت طرازی اور تخلیقی صلاحیتوں کو فروغ دینے کی کوشش کی جانی چاہئے۔ ثقافتی اور تکنیکی انضمام کے مؤثر میکانزم کو تلاش کریں،ثقافتی تعمیر کی ڈیجیٹل بااختیاری اور انفارمیٹائزیشن تبدیلی کااحساس کریں، اور ثقافتی وسائل کے فوائد کو ثقافتی ترقی کےفوائد میں تبدیل کریں.
شی جن پھنگ نے اس بات پر زور دیا کہ لوگوں کی متنوع، کثیرسطحی اور کثیر الجہتی روحانی اور ثقافتی ضروریات کو پوراکرنے، ثقافتی خدمات اور ثقافتی مصنوعات کی فراہمی کی صلاحیت کو بہتر بنانے اور لوگوں کے ثقافتی حصول اور خوشی کے احساس کو بڑھانے پر توجہ مرکوز کرنا ضروری ہے۔
شی جن پھنگ نے مختلف شکلوں میں بین الاقوامی افرادی و ثقافتی تبادلوں اور تعاون کو فروغ دینے پر زور دیا۔ انہوں نے کہا کہ ہمیں انسانی تہذیب کی تمام شاندار کامیابیوں سے سیکھنےکے لئے پہل کرنی چاہئے۔