آسٹن:امریکی ریاست ٹیکساس کے شہر آسٹن میں پولیس نے ٹرمپ انتظامیہ کی سخت امیگریشن پالیسیوں کے خلاف احتجاج کرنے والے مظاہرین کو منتشر کرنےکے لئے آنسو گیس کا استعمال کیا اور متعدد مظاہرین کو گرفتار بھی کیا ۔
یہ مظاہرہ امریکی شہر لاس اینجلس میں ہونے والے مظاہروں کے ساتھ اظہار یکجہتی کے لئے کیا گیا تھا جو جنوبی کیلیفورنیا میں امیگریشن چھاپوں کے بعد کئی دنوں سے جاری ہیں۔
ٹرمپ انتظامیہ کی جانب سے لاس اینجلس کی سڑکوں پر مظاہروں کو روکنے کے لیے نیشنل گارڈ ز کی تعیناتی کے بعد سے مظاہرے ریاست ٹیکساس کے علاوہ مشرقی امریکہ میں نیو یارک، بوسٹن اور واشنگٹن ڈی سی تک پھیل چکے ہیں۔
مقامی افراد نےسڑکوں پر آ کر امریکی وفاقی قانون نافذ کرنے والے اداروں کی طرف سے کیے جانے والے امیگریشن پالیسی کے نفاذ کے اقدامات پر عدم اطمینان کا اظہار کیا۔
