امریکی ٹی وی این بی سی نیوز کی جانب سے کروائے گئے ایک سروے کے نتائج کے مطابق،امریکہ میں 18 سال سے زیادہ عمر کے 55 فیصد امریکیوں کا کہنا ہے کہ وہ صدر ٹرمپ کے صدارتی امور چلا نے کے طریقہ کار سے متفق نہیں ہیں۔ سروے کے مطابق، 60 فیصد جواب دہندگان نے ٹرمپ کے محصولات سے نمٹنے کے طریقہ کار، 61 فیصد امریکیوں نے ٹرمپ حکومت کے زندگی کی لاگت اور افراط زر سے نمٹنے کے طریقہ کار اور 56 فیصد نے ٹرمپ کے جامعات سے متعلق امور سے نمٹنے کے طریقہ کار کی مخالفت کی ۔ سروے میں شامل 51 فیصد امریکی سرحدی معاملات اور امیگریشن کے حوالے سے ٹرمپ کے نقطہ نظر سے متفق ہیں۔ اس کے علاوہ، 40 فیصد ریپبلکنز نے کہا کہ ملک کے قرضوں میں کمی کو یقینی بنانے کے حوالے سے وہ سب سے زیادہ فکرمند ہیں اور 39 فیصد ریپبلکنز کا کہنا تھا کہ وہ 2017 میں ٹرمپ کی طرف سے نافذ کردہ انکم ٹیکس چھوٹ اور کریڈٹ کی پالیسی کو جاری رکھنے اور بڑھانے کے بارے میں سب سے زیادہ فکر مند ہیں. 20 فیصد ریپبلکنز نے کہا کہ موجودہ اخراجات کو برقرار رکھنا ان کی اولین ترجیح ہے۔
یہ سروے 30 مئی سے 10 جون تک امریکہ بھر میں آن لائن کیا گیا جس میں 19,410 بالغ افراد نے اپنی رائے کا اظہار کیا۔
