نیٹو نے اعلان کیا کہ نیٹو کے سیکرٹری جنرل مارک روٹ 14 سے 15 جولائی تک امریکہ کا دورہ کریں گے۔دورے کے دوران وہ امریکی صدر ڈونلڈ ٹرمپ، سیکرٹری خارجہ مارکو روبیو اور سیکرٹری دفاع ہیگستھ سے ملاقات کریں گے۔
نیٹو نے ابھی تک مارک روٹ کے دورے کا مقصد نہیں بتایا تاہم، امریکی میڈیا کے ساتھ ایک حالیہ انٹرویو میں، ٹرمپ نے کہا کہ “امریکہ نیٹو کے ذریعے یوکرین کو ہتھیار فراہم کرنے پر آمادہ ہے اور وہ 14 جولائی کو روس کے بارے میں ایک بڑا بیان دیں گے۔
10 جولائی کو این بی سی نیوز کو انٹرویو دیتے ہوئے امریکی صدر نے کہا کہ یوکرین کو امریکی فوجی امداد کے حوالے سےامریکہ، نیٹو اتحادیوں اور یوکرین کے درمیان ایک نیا معاہدہ طے پا گیا ہے۔ٹرمپ نے یہ بھی کہا کہ امریکی سینیٹ روس کے خلاف پابندیوں کا “بہت بڑا، طاقتور” بل منظور کرے گی ، لیکن اس پر عمل درآمد کیا جائے گا یا نہیں، یہ ان پر منحصر ہے۔
