فلسطینی حکومت نے ایک ہنگامی وزارتی اجلاس منعقد کیا اور انتباہ جاری کیا کہ غزہ کی پٹی اور یروشلم سمیت دریائے اردن کے مغربی کنارے میں فلسطینی عوام کے خلاف اسرائیل کی جنگ، اسرائیلی یہودی آباد کاروں کے مسلسل حملے، اسرائیل کی جانب سے فلسطینی سرحدی گزرگاہوں پر سخت پابندیاں اور بندشں نیز فلسطینی حکومت کی کسٹم آمدنی کا دو تہائی سے زائد حصہ روکنے جیسے اقدامات سے فلسطینی حکومت کی عوام کو بنیادی سہولیات فراہم کرنے کی اہلیت کو شدید خطرات لاحق ہیں۔
اجلاس میں متنبہ کیا گیا کہ اگر صورتحال بگڑتی رہی تو حکومت کچھ سرکاری اداروں کو عارضی طور پر بند کرنے اور عملے کے کام کے اوقات میں کمی کرنے پر مجبور ہوسکتی ہے۔ بین الاقوامی برادری کو خطے میں استحکام اور امن برقرار رکھنے کے لئے فوری اقدامات کرنے کی ضرورت ہے۔
