امریکہ اور بھارت کے درمیان روسی تیل کے معاملے پر کشمکش تیز ہو گئی ہے، جہاں امریکہ نے نئے محصولات کی دھمگی دی تو بھارت نے طنزیہ جواب دیتے ہوئے کہا کہ “آپ نے خود ہمیں خریدنے کی ترغیب دی”۔
امریکی صدر ڈونلڈ ٹرمپ نے اپنے سوشل میڈیا پلیٹ فارم پر پوسٹ کیا کہ بھارت نہ صرف روسی تیل کی بڑی مقدار خرید رہا ہے بلکہ اس کا بیشتر حصہ کھلے بازار میں فروخت کر کے بھاری منافع کماتا ہے۔ چنانچہ وہ بھارت پر امریکہ کو ادا کیے جانے والے محصولات میں نمایاں اضافہ کریں گے۔
اسی دن بھارتی وزارت خارجہ کے ترجمان رندھیر جیسوال نے ایک بیان جاری کرتے ہوئے کہا کہ یوکرین تنازع کے بعد امریکہ نے عالمی توانائی مارکیٹ میں استحکام کے لیے خود بھارت کو ایسی درآمدات کی سرگرمیوں کی ترغیب دی تھی۔ انہوں نے وضاحت کی کہ بھارت کی درآمدات کا مقصد بھارتی صارفین کو قابلِ پیش گوئی اور قابلِ برداشت توانائی کی قیمتیں یقینی بنانا ہے، جو عالمی مارکیٹ صورتحال کے پیشِ نظر ایک ناگزیر انتخاب ہے۔ انہوں نے متنبہ کیا کہ “یاد رکھیے، تنقید کرنے والے یہی ممالک خود روس کے ساتھ تجارت کر رہے ہیں”۔
