روس کے معاملے پر اہم پیش رفت ہوئی ہے، ڈونلڈ ٹرمپ

امریکی صدر ڈونلد ٹرمپ نے سوشل میڈیا پر پوسٹ کیا کہ "روسی مسئلے پر اہم پیش رفت ہوئی ہے۔ مشرق وسطیٰ کے لیے امریکہ کے خصوصی ایلچی وٹکوف نے اسی روز سی این این کو دیئے گئے ایک انٹرویو میں کہا کہ 15 اگست کو امریکہ اور روس کے رہنماؤں کے درمیان ملاقات میں ہونے والی اہم پیش رفت کی بدولت صدر ٹرمپ نے روس اور یوکرین کے درمیان فوری جنگ بندی کے اپنے مطالبے کو ترک کیا اور اس کی جگہ پر وسیع تر امن معاہدے کو آگے بڑھانے کا فیصلہ کیا۔ وٹکوف کا کہنا تھا کہ امریکہ اور کچھ یورپی ممالک یوکرین کو شمالی اٹلانٹک معاہدے کے آرٹیکل 5 سے ملتی جلتی سیکیورٹی گارنٹی فراہم کرسکتے ہیں۔ یہ یوکرین کی نیٹو میں شمولیت پر روس کی سخت مخالفت لینے کے بجائے ایک متبادل راستہ ہے۔ اسی روز امریکی وزیر خارجہ مارک روبیو نے کہا کہ ٹرمپ پیوٹن ملاقات میں زیر غور کچھ موضوعات امریکا اور یوکرین کے صدر ولادیمیر زیلنسکی اور یورپی رہنماؤں کے درمیان ہونے والی مشاورت کو فروغ دینے کے قابل ہیں جو یوکرین تنازع کے خاتمے میں ایک اہم سبب بن سکتے ہیں، لیکن یوکرین اور روس کو باہمی طور پر رعایتیں دینا ہوں گی۔ان کا کہنا تھا کہ امریکہ امن مذاکرات کو فروغ دینا ترک نہیں کرے گا لیکن امن کے حصول کے لیے اب بھی صبر اور طویل المیعاد کوششوں کی ضرورت ہوگی۔ انہوں نے یہ بھی کہا کہ کسی بھی معاہدے میں یوکرین شامل ہونا چاہئے۔