چینی صدر سمیت پارٹی اور قومی رہنماؤں کی قومی یوم شہداء کی تقریب میں شرکت

بیجنگ : رواں سال جاپانی جارحیت کے خلاف چینی عوام کی مزاحمتی جنگ اور فسطائیت مخالف عالمی جنگ کی فتح کی 80ویں سالگرہ ہے۔ چینی میڈیا کے مطابق منگل کی صبح قومی یوم شہداء کے موقع پر عوامی ہیروز کو نذرانہ عقیدت پیش کرنے کی تقریب بیجنگ کے تھیان آن من اسکوائر میں پروقار انداز میں منعقد ہوئی، جس میں چینی صدر شی جن پھنگ اور دیگر پارٹی و قومی رہنما شریک ہوئے۔ تقریب کےآغاز پرتمام حاضرین نے قومی ترانہ پڑھا اور خاموشی سے کھڑے ہو کر چینی عوام کی آزادی کی جدوجہد اور جمہوریہ کی تعمیر میں بہادری سے اپنی جان قربان کرنے والے شہداء کے لئےعقیدت کا اظہار کیا۔ اس کے بعد شی جن پھنگ اور دیگر پارٹی اور ریاستی رہنماؤں نے عوامی ہیروز کی یادگار پر پھولوں کی چادر چڑھائی اور خراج عقیدت پیش کیا۔