نامزد سائز سے بالا صنعتی اداروں کا کل منافع 5.3732 ٹریلین یوآن تک جا پہنچا
بیجنگ : چین کے قومی ادارہ شماریات کی جانب سے جاری کردہ اعداد و شمار سے پتہ چلتا ہے کہ اکتوبر میں، ملک بھر میں نامزد سائز سے بالا صنعتی اداروں کی اضافی قدر میں سال بہ سال 4.9 فیصد اور ماہانہ بنیادوں پر0.17 فیصد اضافہ ہوا ہے۔ جنوری سے ستمبر تک، چین میں نامزد سائز سے بالا صنعتی اداروں کا کل منافع 5.3732 ٹریلین یوآن تک جا پہنچا، جو کہ سال بہ سال 3.2 فیصد کا اضافہ ہے۔ اکتوبر کے مہینے میں، نیشنل پروڈیوسر پرائس انڈیکس (پی پی آئی) میں سال بہ سال 2.1 فیصد کی کمی واقع ہوئی اور ماہانہ بنیادوں پر 0.1 فیصد کا اضافہ ہوا۔ جنوری سے اکتوبر تک اشیاء کی درآمدات و برآمدات کی کل مالیت 37,309 ٹریلین یوآن تک پہنچ گئی، جو کہ سال بہ سال 3.6 فیصد کا اضافہ ہے۔ قومی خدمات کے شعبے کے پیداواری اشاریہ میں سال بہ سال 5.7 فیصد کا اضافہ دیکھا گیا۔ اکتوبر میں، اشیائے خوردونوش کی کل خوردہ فروخت 4.629.1 ٹریلین یوآن تک پہنچ گئی، جو سال بہ سال 2.9 فیصد اور ماہانہ بنیادوں پر 0.16 فیصد زیادہ ہے۔ سروس سیکٹر کی کاروباری سرگرمی کا انڈیکس 50.2فیصد رہا، جس میں ریلوے ٹرانسپورٹ، ہوائی نقل و حمل، پوسٹل سروسز، رہائش اور ثقافت، کھیلوں اور تفریحی صنعتوں میں کاروباری سرگرمیوں کے اشاریے 60.0 فیصد یا اس سے اوپر رہے، جو بہترین نمو کی نشاندہی کرتے ہیں۔
