جاپانی آبی مصنوعات کی چین میں کوئی منڈی نہیں ہے، چینی وزارت خارجہ

بیجنگ : چینی وزارت خارجہ کی ترجمان ماؤ ننگ نے یومیہ پریس کانفرنس میں جاپانی آبی مصنوعات کی چین کو برآمدات کے حوالے سے پوچھے گئے ایک سوال کے جواب میں کہا کہ اس معاملے پر، چین کے متعلقہ محکمے سائنسی بنیادوں پر اور قانون و ضوابط کے مطابق سخت جانچ پڑتال کریں گے تاکہ یقینی بنایا جا سکے کہ متعلقہ آبی مصنوعات چینی معیارات پر پوری اتریں۔ لیکن چونکہ جاپانی رہنما نے تائیوان جیسے اہم اصولی معاملات پر غلط بیانی کی ہے جس سے چین میں عوامی غم و غصہ پیدا ہوا ہے، اس لئے موجودہ صورت حال میں اگر جاپانی آبی مصنوعات چین کو برآمد کی جاتی ہیں تو ان کی کوئی منڈی نہیں ہوگی۔