چین کی اشیاء اور خدمات کی بین الاقوامی تجارت اکتوبر میں 42.9 کھرب یوآن کے قریب پہنچ گئی

بیجنگ(شِنہوا)چین کی اشیاء اور خدمات کی بین الاقوامی تجارت کی مالیت اکتوبر میں تقریباً 42.9 کھرب یوآن (تقریباً 604.1 ارب امریکی ڈالر) تک پہنچ گئی۔
زر مبادلہ کی ریاستی انتظامیہ کے اعدادوشمار کے مطابق مجموعی مالیت میں سے اشیاء کی برآمدات تقریباً 21.6 کھرب یوآن رہیں جبکہ درآمدات 15.2 کھرب یوآن سے تجاوز کر گئیں جس کے نتیجے میں 641.3 ارب یوآن کا سرپلس ہوا۔
اعداد و شمار سے ظاہر ہوتا ہے کہ خدمات کی برآمدات 260.7 ارب یوآن تک پہنچ گئیں جبکہ درآمدات 340.4 ارب یوآن رہیں جس کے نتیجے میں 79.7 ارب یوآن کا خسارہ ہوا۔
خاص طور پر اکتوبر میں سفری خدمات کی تجارت کی مالیت 175.1 ارب یوآن رہی، نقل و حمل کی خدمات کی تجارت 170.5 ارب یوآن تک پہنچ گئی اور ٹیلی کمیونیکیشن، کمپیوٹر اور معلوماتی خدمات کی تجارت کی مالیت 65.8 ارب یوآن رہی۔
امریکی ڈالر کے حساب سے اکتوبر میں چین کی اشیاء اور خدمات کی برآمدات 341.6 ارب ڈالر جبکہ درآمدات 262.5 ارب ڈالر رہیں جس کے نتیجے میں 79.2 ارب ڈالر کا سرپلس ہوا۔