جارحیت کو خوبصورت دکھانا اور تاریخ کو مسخ کرنا انسانی ضمیر کو چیلنج ہے، چینی مندوب

اقوام متحدہ : اقوام متحدہ میں چین کے مستقل مشن نے اقوام متحدہ کے صدر دفتر میں “گروپ آف فرینڈز آف گلوبل گورننس ” کے قیام کا افتتاحی اجلاس منعقد کیا ۔بدھ کے روزاقوام متحدہ میں چین کے مستقل نمائندے فو چھونگ نے اپنے خطاب میں کہا کہ اس سال اقوام متحدہ کے قیام کی اسیویں سالگرہ ہے۔ 80 سال بعد، امن، ترقی، تعاون اور مشترکہ مفادات کے دور کا رجحان برقرار ہے، لیکن سرد جنگ کی سوچ، بالا دستی اور تحفظ پسندی ابھی بھی برقرار ہے۔ انہوں نے کہا کہ دنیا بے‌ترتیبی اور تبدیلی کے ایک نئے دور میں داخل ہو گئی ہے، کثیر الجہتی پالیسی اور اقوام متحدہ کے کردار کو شدید دھچکا لگا ہے، اور عالمی حکمرانی ایک نئے دوراہے پر پہنچ چکی ہے۔ فو چھونگ نے زور دیا کہ فاشزم اور عسکریت پسندی نے دنیا کے عوام کو شدید دکھ پہنچایا ہے۔کوئی بھی اقدام جو جارحیت کو خوبصورت دکھانے، تاریخ کو مسخ کرنے یا حتیٰ کہ عسکریت پسندی کو دوبارہ زندہ کرنے کی کوشش کرے، وہ انسانی ضمیر کے لیے ایک چیلنج اور عالمی امن و استحکام کے لیے خطرہ ہے۔