چین کے قومی دفاعی اخراجات 2026 میں 1.94 ٹریلین یوآن تک ہوں گے، زانگ شیاؤگانگ

بیجنگ : چین کی 14ویں قومی عوامی کانگریس کے چوتھے اجلاس میں پیپلز لبریشن آرمی اور مسلح پولیس فورس کے وفد کے ترجمان زانگ شیاؤگانگ نے ایک میڈیا انٹرویو میں کہا کہ رواں سال چین کے قومی دفاعی اخراجات 1.94 ٹریلین یوآن تک ہوں گے جو کہ گزشتہ سال کے مقابلے میں 6.9 فیصد کا اضافہ ہے۔ چینی افواج دفاعی اخراجات کے پورے عمل کے کنٹرول اور کارکردگی کو مضبوط بنائیں گی تاکہ ہر ایک پیسہ مؤثر طریقے سے استعمال کیا جائے۔ زانگ شیاؤگانگ نے مزید کہا کہ سی پی سی سینٹرل کمیٹی کے جنرل سیکرٹری، چینی صدر اور مرکزی فوجی کمیشن کے چیئرمین شی جن پھنگ نے 14ویں قومی عوامی کانگریس کے چوتھے اجلاس کے لیے پیپلز لبریشن آرمی اور مسلح پولیس فورس کے وفد کے کل رکنی اجلاس میں اس بات پر زور دیا کہ سیاسی نظریات کے ذریعے افواج کی تعمیر میں اپنی منفرد برتریوں کو بروے کار لاتے ہوئے قومی دفاع اور مسلح افواج کو مستحکم اور پائیدار طریقے سے جدید بنایا جائے گا۔ اس حوالے سے تمام نمائندوں کا کہنا تھا کہ ہمیں فوج کو طاقتور بنانے کے حوالے سے شی جن پھنگ کے نظریات پر گہرائی سے عمل درآمد کرتے ہوئے سیاسی نظریات کے ذریعے افواج کی تعمیر کو آگے بڑھانا ہوگا اور  افواج کے بنیادی سیاسی کردار کی ثابت قدمی کے ساتھ حفاظت کرنی ہوگی۔