چینی نائب وزیر اعظم دنگ شوئی شیانگ کا چونگ گوان چھون فورم 2026 کی افتتاحی تقریب سے خطاب

بیجنگ:چونگ گوان چھون فورم 2026 بیجنگ میں شروع ہوا۔ چین کے نائب وزیراعظم دنگ شوئی شیانگ نے افتتاحی تقریب سے خطاب کیا۔
اپنے خطاب میں دنگ شوئی شیانگ نے کہا کہ چین نے “چودہویں پانچ سالہ منصوبے ” کے دوران ، سائنسی اور تکنیکی میدان میں بڑی کامیابیاں حاصل کی ہیں، قومی سائنسی اور تکنیکی طاقت میں نمایاں اضافہ ہوا ہے ، اور عالمی جدت کے اہم مرکز کے طور پر اس کا اثر نمایاں طور پر بڑھا ہے۔
دنگ شوئی شیانگ نے کہا کہ “پندرہویں پانچ سالہ منصوبے ” کے دورا ن ، چین اعلیٰ سطح کی سائنسی و تکنیکی خودمختاری اور خودکفالت کو تیز کرے گا، بین الاقوامی سائنسی اور تکنیکی جدت کے مرکز کی تعمیر پر توجہ دے گا، اور سائنسی و تکنیکی شعبے میں ایک طاقتور ملک بننے کی کوشش کرے گا ۔
انہوں نے مزید کہا کہ چین تمام فریقوں کے ساتھ مل کر عالمی سائنسی اور تکنیکی کمیونٹی کی تعمیر کا خواہاں ہے۔ انہوں نے 3 تجاویز پیش کیں جن میں ایک زیادہ کھلے اور جامع جدید نیٹ ورک کی تعمیر ، زیادہ وسیع اور متنوع سائنسی و تکنیکی تعاون اور زیادہ مساوی اور بہتر سائنسی و تکنیکی حکمرانی کا فروغ شامل ہے ۔