ویزا فری پالیسی کے مثبت اثرات، چین میں ان باؤنڈ سیاحت میں تیزی

بیجنگ :2025 میں چین کی ان باؤنڈ ٹورزم مارکیٹ میں نمایاں تیزی دیکھنے میں آئی ہے اور اس عرصے میں چین آنے والے سیاحوں کی جانب سے 150 ملین سے زائد ٹرپس ہوئے، جو کہ سال بہ سال 17 فیصد سے زائد اضافے کو ظاہر کرتے ہیں۔ ان میں ویزا فری پالیسی سے فائدہ اٹھانے والے سیاحوں کی جانب سے ٹرپس کی تعداد 30 ملین سے تجاوز کر گئی۔ ماہرین کا ماننا ہے کہ چین کی ویزہ فری پالیسی نے لوگوں کی سفر کرنے کی خواہش کو مزید بڑھا دیا ہے جبکہ چین کے بین الاقوامی تشخص اور بین الاقوامی اثر و رسوخ میں اضافہ غیر ملکی سیاحوں کو راغب کرنے کا بنیادی محرک بن رہا ہے۔ رواں سال بھی چین میں ان باؤنڈ سیاحت کا رجحان برقرار رہےگا۔ اسپرنگ فیسٹیول کی تعطیلات کے دوران ان باؤنڈ سیاحت میں مسلسل اضافہ دیکھنے میں آیا، اس دوران بغیر ویزا آنے والے غیر ملکی سیاحوں کی جانب سے 4.6 لاکھ ٹرپس ہوئے، جو سال بہ سال 28.5 فیصد کا اضافہ ہے۔ ویزا فری پالیسی سیاحوں کے ڈھانچے کو تبدیل کر رہی ہے۔ آن لائن ٹریول پلیٹ فارمز کے اعداد و شمار سے پتہ چلتا ہے کہ گزشتہ سال سیاحوں کی تعداد کے لحاظ سے جنوبی کوریا، سنگاپوراور ملائیشیا سرفہرست تین ممالک تھے، جبکہ روس سے آنے والے سیاحوں کی تعداد میں سال بہ سال 205 فیصد کا اضافہ دیکھنے میں آیا ہے۔