پاکستان کے اذان اویس کی ڈیبیو ٹیسٹ میچ میں سینچری

پاکستان کے اذان اویس نے اپنے پہلے ہی ٹیسٹ میچ میں سینچری بنا لی۔

اذان اویس کیریئر کے پہلے ٹیسٹ میں سینچری بنانے والے پاکستان کے 14ویں بیٹر بن گئے ہیں۔ 21 سالہ اذان اویس نے 153 گیندوں پر 14 چوکوں کی مدد سے بنگلادیش کے خلاف سینچری مکمل کی۔

انہوں نے امام الحق کے ساتھ میچ میں اننگ کا آغاز کیا تھا۔

پاکستان اور بنگلادیش کے درمیان 2 ٹیسٹ میچز کی سیریز کا پہلا میچ ڈھاکا کے شیر بنگلا اسٹیڈیم میں کھیلا جا رہا ہے۔

اس سے قبل پہلی اننگ میں بنگلادیش کی پوری ٹیم 413 رنز پر آؤٹ ہوگئی تھی۔