جیکب آباد میں پسند کی شادی کے بعد لڑکے کا گاؤں جلانے کا واقعہ، لڑکی کے والد کا بیان سامنے آگیا

جیکب آباد میں پسند کی شادی کے بعد لڑکے کا گاؤں جلانے کے واقعے پر لڑکی کے والد کا بیان سامنے آگیا۔

لڑکی کے والد رفیق چنّہ کا دعویٰ ہے کہ ان کی بیٹی 14 سال کی ہے، شادی سندھ میرج ایکٹ کی خلاف ورزی ہے۔

رفیق چنّہ نے مخالفین پر 4 سال کی بیٹی کے اغواء کا بھی الزام لگاتے ہوئے کہا ہے کہ مقدمے کے باوجود بیٹیوں کو بازیاب نہیں کرایا گیا۔

انہوں نے دعویٰ کیا کہ مخالفین نے گھروں کو آگ خود لگائی ہے۔ 

شادی کرنے والی لڑکی کا کہنا ہے کہ اس کی عمر 20 سال ہے، اپنی مرضی سے 4 مئی کو حیدر آباد کی عدالت میں پسند کی شادی کی۔ 

برڑو برادری کے گھر جلانے پر چنّہ برادری کے 32 ملزمان پر مقدمہ درج کیا گیا ہے اور 5 افراد گرفتار کر لیے گئے ہیں۔