جیل کورٹ میں انمول پنکی کے ٹرائل کا فیصلہ کیا ہے، ضیاء لنجار

وزیر داخلہ سندھ ضیاء الحسن لنجار نے کہا ہے کہ ہم نے جیل کورٹ میں انمول عرف پنکی کے ٹرائل کا فیصلہ کیا ہے۔

سندھ اسمبلی اجلاس سے خطاب میں وزیر داخلہ سندھ نے کہا کہ پنکی کو گرفتار کیا ہے اس کے ساتھیوں کو بھی پکڑیں گے، منشیات میں گرفتار ہونے والے تمام لوگوں کے نام بتائیں گے۔

انہوں نے کہا کہ پنکی دھڑلے سے کہتی تھی مجھے گرفتار کرو، ہم نے اسے گرفتار کیا ہے، اس کے ساتھیوں کو بھی گرفتار کریں گے، ہم نے جیل کورٹ میں پنکی کے ٹرائل کا فیصلہ کیا ہے۔

صوبائی وزیر نے مزید کہا کہ کراچی اور حیدرآباد میں گٹکا ماوا کے خلاف کام ہو رہا ہے، فروخت میں ملوث عناصر کی ضمانت باآسانی ہوجاتی ہے، پولیس اس کے خلاف اقدام اٹھارہی ہے۔