وزیراعظم شہبازشریف کا ملائیشین ہم منصب سے ٹیلیفونک رابطہ

وزیراعظم شہباز شریف نے ملائیشیا کے ہم منصب انور ابراہیم سے ٹیلیفونک گفتگو کی اور ایک دوسرے کو عیدالاضحیٰ کی مبارک باد دی ہے۔

پرائم منسٹر آفس کے اعلامیے کے مطابق شہبازشریف نے دوران گفتگو پاکستان کی امن کوششوں میں ملائیشیا کی حمایت پر شکریہ ادا کیا۔

شہبازشریف اور انور ابراہیم کے درمیان تازہ ترین علاقائی پیشرفت پر تبادلہ خیال کیا گیا۔ وزیراعظم شہباز شریف نے کہا کہ اب تک جو پیشرفت ہوئی ہے، وہ ملائیشیا اور دیگر برادرممالک کے تعاون کے بغیر ممکن نہیں تھی۔

انہوں نے مزید کہا کہ امن عمل آگے بڑھانے میں فیلڈ مارشل سید عاصم منیر اور وزیر خارجہ اسحاق ڈار کی انتھک کوشیشیں شامل ہیں۔

دوران گفتگو دونوں وزرائے اعظم نے غزہ اور لبنان میں جاری انسانی صورتحال پر گہری تشویش ظاہر کی اور امن مذاکرات اور سفارتکاری کےلیے اپنے مشترکہ عزم کا اعادہ کیا۔