ریفری کے ریڈ کارڈ پر ٹرمپ کارڈ چلنے کا معاملہ، امریکی صدر کی وضاحت آگئی

ریفری کے ریڈ کارڈ پر ٹرمپ کارڈ چلنے کے معاملے میں امریکی صدر کی وضاحت سامنے آگئی۔

میڈیا سے گفتگو میں ڈونلڈ ٹرمپ نے کہا کہ میں نے صرف نظر ثانی کا کہا تھا، معطلی ختم کرنے کی بات نہیں کی تھی۔

انہوں نے کہا کہ فولارن بیلاگن پر پابندی برقرار رہتی تو فٹ بال ورلڈ کپ پر بڑا داغ لگ جاتا، میرا خیال ہے فیصلہ فیفا نہیں بلکہ متعلقہ کمیشن نےکیا اور یہی درست فیصلہ تھا۔

امریکی صدر نے مزید کہا کہ فولارن بیلاگن کا ریڈ کارڈ درست نہیں تھا، 2 کھلاڑی ایک دوسرے سے ٹکرائے تھے۔

فیفا نے امریکی کھلاڑی فولارن بیلاگن کی ریڈ کارڈ کی وجہ سے 1 میچ کی معطلی 12 ماہ کےلیے معطل کی تھی۔