بھارت کی تامل فلم انڈسٹری کے مشہور اداکار و ڈائریکٹر جی ماری موتھو دل کا دورہ پڑنے کے باعث 57 سال کی عمر میں چل بسے۔
بھارتی میڈیا رپورٹس کے مطابق تامل ٹی وی سیریل کی ڈبنگ کے دوران انہیں طبیعت کی ناسازی کی شکایت پر چنئی کے پرائیوٹ اسپتال منتقل کیا گیا جہاں ان کی موت ہوگئی۔
جی ماری موتھو نے اپنے کیریئر کے دوران کئی فلموں میں بھی کام کیا تھا۔
تامل اداکار ہدایتکار کو رجنی کانت کی حالیہ بلاک بسٹر جیلر میں دیکھا گیا تھا۔ وہ تامل ٹیلی ویژن سیریز ایتھرنیچل میں اپنے کردار کے لیے مشہور تھے۔ انہوں نے اسسٹنٹ ڈائریکٹر کے طور پر فلمساز منی رتنم سمیت دیگر کے ساتھ بھی کام کیا ہے۔
جی میریمتھو مبینہ طور پر جمعہ کی صبح تقریباً ساڑھے آٹھ بجے چنئی میں اپنے ٹی وی سیریل ایتھرنیچل کی ڈبنگ کے دوران گر گئے،انہیں قریبی ہسپتال لے جایا گیا، جہاں ڈاکٹرز نے ان کی موت کی تصدیق کردی ۔
