میانوالی میں گاڑی نہر میں گرنے سے لوگ گلوگار شرافت علی بلوچ ،ان کے بھائی انوار علی سمیت7 افراد ڈوب کر جاں بحق ہوگئے ہیں۔
ریسکیو حکام کے مطابق میانوالی کے نواحی علاقے پکہ گھنجیرہ کے قریب گاڑی نہر میں گر گئی، جس سے 7 افراد جاں بحق ہو گئے۔
ذرائع کے مطابق گلوکارشرافت علی اور دیگر رات2بجے کے قریب میانوالی کے نواحی علاقے پکہ گھنجیرہ والا سے شادی کا پروگرام کر کے واپس گھر آ رہے تھے،واٹر ریسکیو ٹیموں نے موقع پر پہنچ کر لاشوں کو نہر سے نکال لیا۔
واضح رہے کہ شرافت علی خان بلوچ پاکستان کے ایک معروف لوک گلوکار تھے، جن کا تعلق میاں والی سے تھا، پنجابی اور سرائیکی زبان میں انہوں نے متعدد گیت گائے ہیں جنہیں ان کے مداحوں نے بے حد پسند کیا ہے۔
شرافت علی بلوچ کے مشہور گیتوں میں چند ایک درج ذیل ہیں:
دل غلطی کر بیٹھا ہے۔ بول کفارہ کیا ہوگا۔ ہتھ رکھ کے اپنی اے نبضاں تے سسی اکھے بچن محال اے۔ نئیں رہندیاں اکھیاں وے میریاں تیرے دیدار بِنا۔ نئیں لگدا قسم سے میرا دل تیرے ماہی پیار بنا۔
