خاتون نے مبینہ طور پر نوجوان شوہر کو قتل کر کے خودکشی کر لی

سرگودھا(پی این پی)سرگودھا میں خاتون نے مبینہ طور پر نوجوان شوہر کو قتل کر کے خودکشی کر لی۔

جن کی خون آلود اورپھندا لگی نعشوں کو گھر سے برآمد کر کے پوسٹمارٹم کے لئے ہسپتال منتقل کر دیا گیا اور پولیس تھانہ میلہ مصروف تفتیش ہے ڈی پی او نے نوٹس لیکر رپورٹ طلب کر لی۔زرائع کے مطابق سرگودھا کے علاقہ میلہ کے گاں بھابڑہ کے گھر میں نوجوان کی خون آلود اور خاتون کی پھندا لگی چھت سے لٹکتی نعشوں کی اطلاع پر پولیس تھانہ میلہ نے مقتولین جوڑے کی نعشیں برآمد کر کے پوسٹمارٹم کے لئے ہسپتال منتقل کر دیں اور شواہد اکٹھے کرتے ہوئے مصروف تفتیش ہے۔اس واقعہ میں دوہرے قتل یا واقعہ کا نوٹس لیتے ہوئےـ

ڈی پی او توقیر محمد نعیم نے ایس ڈی پی او کوٹمومن سے رپورٹ طلب کر کے فوری تحقیقات کا حکم دے دیا ـتاہم معلوم ہوا کہ گھریلو ناچاقی پر خاتون سمرین بی بی نے اپنے نوجوان شوہر محمد ریاض کے سر پر چارپائی کا پاوا مار کر قتل کر دیا اور خود چھت سے لٹک کر خودکشی کر لی۔تاہم تمام پہلوں اور حقائق و شواہد کی روشنی میں مزید قانونی کارروائی عمل میں لائی جا رہی ہے۔