لیبیا: نجی طیارہ لینڈنگ کے دوران تباہ، فضائی حدود بند

طرابلس : لیبیا کے شہر مصراتہ کے بین الاقوامی ایئرپورٹ پر ایک نجی طیارہ ہنگامی لینڈنگ کے دوران حادثے کا شکار ہو کر تباہ ہو گیا اور اس میں آگ بھڑک اٹھی۔ حادثے کے فوراً بعد حکام نے سیکیورٹی خدشات اور ریسکیو آپریشن کے پیشِ نظر علاقے کی فضائی حدود بند کرتے ہوئے طیاروں کی آمدورفت معطل کر دی ہے۔

The pilot and a staff member of a private Turkish aircraft survived after the plane crash landed at Misrata International Airport this morning. pic.twitter.com/taTCQjOSn5

— The Libya Observer (@Lyobserver) September 14, 2026

عرب اور بین الاقوامی میڈیا رپورٹس کے مطابق حادثے کا شکار ہونے والا طیارہ ‘سیسنا 650’ (Cessna 650) نجی جیٹ تھا، جو ترکی کے شہر استنبول سے پرواز بھر کر مصراتہ پہنچا تھا۔ ابتدائی معلومات کے مطابق یہ طیارہ لیبیا کی ایک اہم سیاسی شخصیت یا وی آئی پی شخص کو لے جانے کے لیے روانہ کیا گیا تھا۔

حکام کے مطابق خوش قسمتی سے حادثے کے وقت طیارے میں کوئی مسافر موجود نہیں تھا۔ جہاز کے عملے کے تینوں ارکان جن میں ایک جرمن پائلٹ، ایک ترکی کا کو-پائلٹ اور فلائٹ اٹینڈنٹ شامل ہیں محفوظ رہے اور انہیں ریسکیو ٹیموں نے بروقت باہر نکال لیا۔