کراچی(نیوزڈیسک)پاکستان اسٹاک ایکسچینج میں کاروبار کا مثبت آغاز ہوا ہے۔
تفصیلات کے مطابق منگل کا روز پاکستان اسٹاک ایکسچینج کے لیے ایک شاندار اور تاریخی دن رہا جس روز کاروبار کے دوران 100 انڈیکس تاریخ کی بلند ترین سطح پر پہنچ گیا اور پہلی بار 54 ہزار کی حد عبور کرگیا۔100 انڈیکس نے اپنی بلندی کی نئی تاریخ 54 ہزار 312 ریکارڈ کی لیکن کاروباری دن کا اختتام 124 پوائنٹس کمی سے 53 ہزار 735 پر ہوا، اس طرح پاکستان اسٹاک ایکسچینج میں 6 روز سے جاری مثبت کاروبار کے اختتام کی لہر ساتویں روز ٹوٹ گئی۔
آج بدھ کے روز بھی پاکستان اسٹاک ایکسچینج میں کاروبار کا آغاز مثبت انداز میں ہوا ہے اور کاروبار کے آغاز پر 100 انڈیکس 130 پوائنٹس اضافے سے 53866 کی سطح پر پہنچ گیا ہے۔
