رشتہ ٹوٹنے کے رنج میں سابق منگیتر کی لڑکی سے زیادتی
لاہور (پی این پی) لاہور میں منگنی ختم ہونے کے بعد لڑکی کو مبینہ طور پر زیادتی کا نشانہ بنانے کے الزام میں پولیس نے ایک شخص کو گرفتار کر لیا ہے۔
پولیس کے مطابق متاثرہ لڑکی اور ملزم کی تقریباً ایک سال قبل منگنی ہوئی تھی، تاہم بعد میں دونوں کا رشتہ ختم ہوگیا تھا۔
نجی ٹی وی چینل ایکسپریس نیوز کی رپورٹ کے مطابق ملزم نے مبینہ طور پر لڑکی کو ملاقات کے بہانے باہر بلایا، جہاں اس پر تشدد کرنے کے بعد زیادتی کا نشانہ بنایا گیا۔
درج مقدمے کی ایف آئی آر کے مطابق واقعہ یکم اکتوبر 2026 کو شام تقریباً 6 بجے فیصل ٹاؤن کے علاقے میں پیش آیا۔ پولیس نے واقعے کی تفصیلات کی بنیاد پر کارروائی کرتے ہوئے لنک روڈ پر واقع ایک نجی مال سے عمار نامی ملزم کو حراست میں لے لیا۔
پولیس کے مطابق مقدمے کی مزید تفتیش اور قانونی کارروائی کے لیے کیس جینڈر سیل کے حوالے کر دیا گیا ہے۔ واقعے کے تمام پہلوؤں کا جائزہ لیا جا رہا ہے۔
PNP
Comments are closed.