بیجنگ(نیوزڈیسک)چین کی وزارت خارجہ کے ترجمان وانگ ون بین نے یومیہ پریس کانفرنس میں ایران کے صوبے کرمان میں ہونے والے سنگین دہشت گرد حملے پر تبصرہ کرتے ہوئے کہا کہ اس سنگین دہشت گرد حملے سے چین کو شدید صدمہ پہنچا ہے جس میں بھاری جانی نقصان ہوا ہے۔
ترجمان کا کہنا ہے کہ چین ہلاک ہونے والوں کے ساتھ اپنی گہری تعزیت اور زخمیوں اور ان کے اہل خانہ کے ساتھ دلی ہمدردی کا اظہار کرتا ہے۔ چین ہر قسم کی دہشت گردی کی مخالفت کرتا ہے، دہشت گرد حملوں کی شدید مذمت کرتا ہے اور قومی سلامتی اور استحکام کے تحفظ کے لیے ایران کی کوششوں کی بھرپور حمایت کرتا ہے۔
