استحکام پاکستان پارٹی کے رہنما ہمایوں اخترخان نے مطالبہ کیا ہے کہ حلقہ این اے97 میں ماموں کانجن کو تحصیل بنایا جائے اور موٹر وے سے متصل علاقوں پر انڈسٹریل زون قائم کیا جائے۔
ہمایوں اخترخان نے فیصل آباد میں کسانوں اور عمائدین سے ملاقاتیں کیں۔
اس موقع پر انہوں نے کہا کہ عوام کے مسائل دہلیز پر حل کرنا حکومتی ذمے داری ہے۔
ہمایوں اختر خان نے کہا کہ کسان اس وقت شدید مشکلات سے دوچار ہیں، حکومت مالی معاونت کے لیے خصوصی پیکیج کا اجراء کرے۔
اُنہوں نے مزید کہا کہ انتخابی مہم میں آئندہ کی سیاست اسی حلقے سے جاری رکھنے کا وعدہ کیا تھا اور اب ہر ہفتے حلقے کا دورہ اور ملاقاتیں اس کا منہ بولتا ثبوت ہیں۔
ہمایوں اختر خان نے کہا کہ حلقہ این اے 97 ے سارے علاقے پسماندہ ترین ہیں، ہم ذاتی حیثیت میں جو مسائل حل کر سکتے ہیں ان کے لیےکام کر رہے ہیں۔
