لاہور:نایاب اور قیمتی کچھووں کا غیرقانونی شکاراور بیرون ملک سمگلنگ، پنجاب حکومت کی سخت کارروائی ،دریائے راوی سے نایاب کچھووں کے 2شکاری رنگے ہاتھوں گرفتار، 10قیمتی کچھوے برآمد کر لئے ۔
تفصیلات کے مطابق جنگی حیات کی غیرقانونی سمگلنگ میں ملوث افراد نے وائلڈ لائف کی چھاپہ مار ٹیم پر فائرنگ کی ۔
سینئر وزیر پنجاب مریم اورنگزیب نے چھاپہ مار ٹیم اور محکمہ جنگلی حیات کے افسران اور عملے کو شاباش دی ۔
سینئر وزیر پنجاب مریم اورنگزیب کی ہدایت پرصوبے بھر میں جنگلی حیات کے غیرقانونی کاروبار کے خلاف آپریشن کلین اپ جاری ہے ۔
ڈائریکٹر جنرل جنگلی حیات مدثر ریاض ملک کی نگرانی میں سپیشل وائلڈلائف اسکواڈ پنجاب نے چھاپہ مارا ۔
ڈی جی جنگلی حیات مدثر ریاض کے مطابق 7کچھوے زندہ ہیں جبکہ 3 مردہ حالت میں برآمد ہوئے ، کچھوں کے غیرقانونی شکار اور فائرنگ کرنے والاسرفراز اور فیاض چبیل گرفتار کرلیا گیا۔
ملزمان سے پستول ، گولیاں، جال، کلہاڑی، ٹوکہ اور دیگر سامان بھی قبضے میں لے لیا گیا ۔
کچھووں کو وائلڈلائف ایکٹ کے شیڈول تھری میں تحفظ پانے والی جنگلی حیات میں شمولیت حاصل ہیں۔
