چودھری شجاعت کی گورنر پنجاب کوشاہراہوں اور چوکوں پر شہید سپاہیوں کے نام آویزاں کرنے کی تجویز

لاہور:گورنر پنجاب سردار سلیم حیدر کی سابق وزیراعظم چودھری شجاعت حسین کے گھر میں آمد ،گورنر پنجاب سردار سلیم حیدر نے سابق وزیراعظم پاکستان چوہدری شجاعت حسین سے ملاقات میں ملکی حالات پر تبادلہ خیال کیا ۔ملاقات میں سابق وزیراعظم چوہدری شجاعت حسین نے گورنر پنجاب کو یہ تجویز پیش کی کہ وہ چاروں صوبوں کے وزرائے اعلیٰ کو یہ تجویز دیں گے کہ ہر علاقے کی بڑی شاہراہوں اور چوکوں پر اس علاقے کے شہید سپاہیوں کے نام آویزاں کیے جائیں تاکہ وہاں کے مقامی اور رہائشی معززین اس بات پر فخر محسوس کریں کہ شہید سپاہی کا تعلق ان کے اپنے علاقے سے ہے۔
ملاقات میں وفاقی وزیر چوہدری سالک حسین، صوبائی وزیر چوہدری شافع حسین ، سابق وفاقی وزیر چوہدری وجاہت حسین ، سابق ضلع ناظم چوہدری شفاعت حسین موجود تھے۔