ابوظہبی (سپورٹس ڈیسک) ورلڈ ٹینس لیگ سیزن 3 کے پہلے 2 میچوں میں شکست کے بعد آنر ایف ایکس ایگلز نے اتحاد ایرینا میں کھیلے گئے ورلڈ ٹینس لیگ سیزن 3 کے اپنے آخری میچ میں 20-15 سے کامیابی حاصل کی۔
اس جیت کے بعد آنر ایف ایکس ایگلز مجموعی طور پر 54 پوائنٹس کے ساتھ دوسرے نمبر پر آ گئی جبکہ گیم چینجرز فالکنز نے ناکامی کے باوجود 68 پوائنٹس کے ساتھ پہلی پوزیشن برقرار رکھی۔ تاہم سب کی نظریں ٹی ایس ایل ہاکس اور کائٹس کے درمیان آخری لیگ مرحلے کے میچ پر ہوں گی کیونکہ فائنل کا فیصلہ اس مقابلے کے بعد ہوگا چاروں ٹیمیں اب بھی مقابلے میں شامل ہیں، یہ میچ فیصلہ کن اور سنسنی خیز مقابلہ ہوگا۔
ویمنز سنگلز مقابلے کا آغاز آنر ایف ایکس ایگلز کی ایگا سویٹیک اور گیم چینجرز فالکنز کی ایلینا ریباکینا کے درمیان برابر ی کے ساتھ ہوا۔ سویٹیک نے ریباکینا کی تیسری سروس بریک پر برتری حاصل کی اور آنر ایف ایکس ایگلز کے لئے سیٹ کو 6-3 سے آسانی سے ختم کیا۔
ویمنز ڈبلز میں ایگا سویاٹیک اور پاؤلا بڈوسا کی جوڑی نے فوری اثر ڈالتے ہوئے اپنی حریف ایلینا ریباکینا اور کیرولین گارسیا کو شکست دیکر میچ پر کنٹرول حاصل کیا ۔ دونوں کھلاڑیوں نے 6-2 سے کامیابی حاصل کی اور آنر ایف ایکس ایگلز کی برتری 12-5 تک بڑھا دی۔
مینز ڈبلز مقابلوں میں آنر ایف ایکس ایگلز کی جانب سے اسی طرح کا غلبہ دیکھنے میں آیا جب اسٹیفانوس سیٹسپاس اور الیگزینڈر شیوچینکو نے گیم چینجرز فالکنز کے آندرے روبلوف اور ڈینس شاپووالوف کو پیچھے چھوڑ دیا۔ آنر ایف ایکس ایگلز کی جوڑی نے آسانی کے ساتھ سیٹ 6-4 سے ختم کیا اور اپنی ٹیم کو 18-8 کی بڑی برتری دلائی۔
میچ کے سب سے اہم سیٹ میں گیم چینجرز فالکن کے روبلوف نے آنر ایف ایکس ایگلز کے سیٹسپاس کو شکست دی۔ روبلوف نے 5-0 کی برتری حاصل کی لیکن سیٹسپاس نے 5-1 کی برتری حاصل کر لی۔ اس کے بعد روبلوف نے سیٹ کو 6-1 سے برابر کر دیا اور مجموعی اسکور کو 15-19 تک محدود کر دیا اور کھیل کو اوور ٹائم میں دھکیل دیا۔
اپنی سابقہ جدوجہد کے باوجود ، سیٹسپاس نے زائد وقت میں اس موقع پر کامیابی حاصل کی اور میچ 20-15 سے جیت لیا۔ ۔
