اسلام آباد:وزیراعظم شہباز شریف نے نومنتخب وزرا کے قلمدانوں کا اعلان کردیا، کابینہ ڈویژن نے نوٹیفیکیشن جاری کردیا۔
تفصیلات کے مطابق وزیراعظم شہباز شریف نے وفاقی وزیر طارق فضل چوہدری کو پارلیمانی امور، علی پرویز ملک کو پیٹرولیم، اورنگزیب کچھی کو قومی ورثہ اور ثقافت کا قلمدان سونپ دیا۔
کابینہ ڈویژن کے نوٹیفیکیشن کے مطابق خالد مگسی کو سائنس و ٹیکنالوجی، حنیف عباسی کو محکمہ ریلویز، معین وٹو کو آبی وسائل اور جنید انور کو میری ٹائم افیئرز کا قلمدان دیا گیا ہے۔
رضا حیات ہراج کو دفاعی پیداوار، سردار محمد یوسف کو مذہبی امور، سید مصطفی کمال کو نیشنل ہیلتھ سروسز اور رانا مبشر اقبال کوپبلک افیئرز یونٹ اور شزا فاطمہ کو وفاقی وزیر آئی ٹی اینڈ ٹیلی کمیونیکیشن کا قلمدان دیا گیا ہے۔
وزرائے مملکت میں رشید احمد خان کو نیشنل فوڈ سیکیورٹی، عبدالرحمٰن خان کانجو کو پاور ڈویژن، عقیل ملک کو قانون و انصاف، بلال اظہر کیانی کو ریلویز، کیسو مل کھیئل داس کو مذہبی امور، محمد عون ثقلین چوہدری کو اوور سیز پاکستانیز و ہیومن ریسورس ڈیولپمنٹ، مختار احمد ملک کو صحت، طلال چوہدری کو داخلہ و نارکوٹکس کنٹرول، وجیہہ قمر کو تعلیم کا قلمدان سونپا گیا ہے۔
وزیراعظم کے خصوصی معاونین میں شامل ہارون اختر کو صنعت و پیداوار، حذیفہ رحمٰن کو قومی ورثہ و ثقافت، مبارک زیب کو قبائل امو اور طلحہٰ برکی کو معاون خصوصی برائے سیاسی امور مقرر کیا گیاہے۔وزیراعظم کے مشیران میں ڈاکر توقیر حسین شاہ کو پرائم منسٹر آفس، محمد علی کو نجکاری اور پرویز خٹک کو مشیر داخلہ کا قلمدان سونپا گیا ہے۔
کابینہ میں ردو بدل کے بعد وفاقی وزیر خواجہ آصف دفاع، اعظم نزیرتارڑ وفاقی وزیر قانون و انصاف، مصدق ملک وفاقی وزیر برائے موسمیاتی تبدیلی، عطااللہ تارڑ وفاقی وزیراطلاعات ہونگے۔
خالدمقبول صدیقی وفاقی وزیر تعلیم۔ قیصر احمد شیخ وفاقی وزیر بورڈ آف انوسیٹمنٹ، عبدالعلیم خان وفاقی وزیر مواصلات، چوہدری سالک حسین وفاقی وزیر اوورسیز پاکستانیز اور رانا تنویر نیشنل فوڈ سیکیورٹی کے وفاقی وزیر ہوں گے۔
