عالمی برادری کا اسرائیل سے فوری طور پر غزہ کی پٹی میں امداد کی مکمل بحالی کی اجازت دینے کا مطالبہ

فرانس، جرمنی، اسپین، کینیڈا، آسٹریلیا اور دیگر 22 ممالک کے وزرائے خارجہ نے ایک مشترکہ بیان جاری کیا، جس میں اسرائیل سے فوری طور پر غزہ کی پٹی میں امداد کی مکمل بحالی کی اجازت دینے اور اقوام متحدہ اور انسانی حقوق کے اداروں کو آزادانہ اور غیر جانبدار کام کرنے کی اجازت دینے کا مطالبہ کیا گیا ہے۔
مشترکہ بیان میں کہا گیا کہ انسانی امداد فراہم کرنے والوں کے طور پر، انہوں نے اسرائیلی حکومت کو دو واضح پیغامات دیے ہیں: اول تو ،فوری طور پر غزہ کی پٹی میں امداد کی مکمل بحالی کی اجازت دی جائے؛ دوسرا، اقوام متحدہ اور انسانی حقوق کے اداروں کو آزادانہ اور غیر جانبدار کام کرنے کی اجازت دی جائے، تاکہ زندگیوں کو بچایا جا سکے، مسائل کو کم کیا جا سکے اور عزت و وقار کو برقرار رکھا جا سکے۔
بیان میں یہ بھی کہا گیا ہے کہ اگرچہ یہ اشارے موجود ہیں کہ غزہ کی پٹی میں امداد کو محدود پیمانے پر بحال کیا جا رہا ہے، لیکن اسرائیل نے دو ماہ سے زائد عرصے سے انسانی امداد کو غزہ کی پٹی میں داخل ہونے سے روک رکھا ہے۔ وہاں ، مقامی خوراک، ادویات اور بنیادی اشیاء ختم ہو چکی ہیں۔ غزہ کے لوگوں کو قحط کا سامنا ہے۔ بیان میں مزید کہا گیا ہے کہ اقوام متحدہ اور انسانی ہمدردی کے شریک ادارے اسرائیل کی حالیہ منظوری کے تحت غزہ میں امدادی سامان کی ترسیل کے نئے ماڈل کی حمایت نہیں کرسکتے ہیں۔