بیجنگ (سپورٹس ڈیسک)انڈر 18 ہاکی ایشیاء کپ میں پاکستان نے اپنے دوسرے میچ میں سری لنکا کونو صفر سے شکست دے دی۔
تفصیلات کے مطابق چین کے شہر دازھو میں کھیلے گئے میچ میں وقفے تک پاکستان کو چھ صفر کی برتری حاصل تھی۔ عصام حیدر نے ہیٹ ٹرک کی۔عاطف علی اور عدیل نے دو، دو مرتبہ گیند کو جال تک پہنچایا۔
عبداللہ اعوان اورزبیر لطیف نے ایک ایک گول کیا۔پہلے میچ میں پاکستان نے ہانگ کانگ چائنہ کو آٹھ صفر سے ہرایا تھا۔پاکستان تیسرا میچ کل بنگلہ دیش کے خلاف کھیلے گا۔
