چین افغانستان کی آزادی، خودمختاری اور علاقائی سالمیت کا احترام کرتا ہے، چینی وزارت خارجہ

بیجنگ :امریکی صدر ڈونلڈ ٹرمپ نے حال ہی میں کہا ہے کہ ان کی حکومت افغانستان میں بگرام ایئربیس کو واپس لینا چاہتی ہے۔ ان کے اس بیان پر چین کی وزارت خارجہ کے ترجمان لین جیئن نے جمعہ کے روز رسمی پریس کانفرنس میں کہا کہ چین افغانستان کی آزادی، خودمختاری اور علاقائی سالمیت کا احترام کرتا ہے، اور سمجھتا ہے کہ افغانستان کے مستقبل کا فیصلہ افغان عوام کے ہاتھ میں ہونا چاہئے۔ انہوں نے زور دیا کہ خطے میں تناؤ کو بڑھانے اور محاذ آرائی پیدا کرنے کا رویہ عوام میں پذیرائی نہیں پاتا۔انہوں نے امید ظاہر کی کہ تمام فریقین خطے میں امن و استحکام کے لئے حقیقی اور تعمیری کردار ادا کریں گے۔