بیجنگ: حال ہی میں، چین کے وزارت تجارت اور اسپین کی وزارتِ معیشت، تجارت اور انٹرپرائززنے “چین-اسپین مخلوط معاشی و صنعتی تعاون کمیٹی کے تعاون پر ایک مفاہمتی یاداشت” پر دستخط کیے۔
چین کی وزارت تجارت کی جانب سے 13 نومبر کو منعقدہ معمول کی پریس بریفنگ میں، ترجمان نے کہا کہ 13 نومبر کی صبح، چین کے وزارت تجارت اور اسپین کے وزارت معیشت، تجارت اور انٹرپرائززنے بیجنگ میں مشترکہ طور پر چین-اسپین انٹرپرائزز ایڈوائزری کونسل کا تیسرا اجلاس منعقد کیا، جس نے دونوں اطراف کے کاروباری افراد کے لیے مواصلات اور رابطے کا پلیٹ فارم قائم کیا۔ دونوں اطراف کی تقریباً 30 یونٹس کے نمائندوں نے اجلاس میں شرکت کی، اور چین-اسپین انٹرپرائزز کے عالمی تعاون، توانائی کی منتقلی اور اعلیٰ درجے کی مینوفیکچرنگ کے تعاون کے موضوعات پر پرجوش موضوعاتی بحث کی۔ترجمان نے بتایا کہ اگلے مرحلے میں، چین اسپین کے ساتھ مل کر دونوں ممالک کے رہنماؤں کے اہم اتفاق رائے کی رہنمائی میں، اقتصادی اور تجارتی شعبوں میں عملی تعاون کو مزید آگے بڑھانے، اور چین-اسپین تعاون کو مسلسل گہرا اور مضبوط بنانے کی کوشش کرتا رہےگا۔
