چین میں پہلے 10 ماہ کے دوران مالیاتی آمدن میں 0.8 فیصد اضافہ

بیجنگ(شِنہوا)2025 کے پہلے 10 ماہ کے دوران چین کی مالیاتی آمدن میں گزشتہ سال کی نسبت 0.8 فیصد اضافہ ہوا جو تقریباً 186.5 کھرب یوآن (تقریباً 26.3 کھرب امریکی ڈالر) تک پہنچ گئی۔وزارت خزانہ کی جانب سے پیر کو جاری ہونے والے اعداد و شمار کے مطابق اس مدت کے دوران مرکزی حکومت نے تقریباً 81.9 کھرب یوآن کی مالیاتی آمدنی حاصل کی جو گزشتہ سال کی نسبت 0.8 فیصد کم ہے جبکہ مقامی حکومتوں نے 104.6 کھرب یوآن کی آمدنی حاصل کی جس میں 2.1 فیصد اضافہ ہوا۔پہلے 10 ماہ کے دوران چین کی ٹیکس آمدن مجموعی طور پر 153.4 کھرب یوآن رہی جو گزشتہ سال کی نسبت 1.7 فیصد زائد ہے۔ اس دوران ملک کی غیر ٹیکس آمدن میں 3.1 فیصد کمی ہوئی جو 33.1 کھرب یوآن رہی۔2025 کے پہلے 10 ماہ کے دوران چین کے مالیاتی اخراجات گزشتہ سال کی نسبت 2 فیصد بڑھ کر 225.8 کھرب یوآن تک پہنچ گئے۔ مرکزی حکومت کے مالیاتی اخراجات میں 6.3 فیصد اور مقامی حکومت کے اخراجات میں 1.2 فیصد اضافہ ہوا۔تعلیم پر اخراجات تقریباً 34.1 کھرب یوآن رہے جو گزشتہ سال کی نسبت 4.7 فیصد زائد ہیں۔سائنس اور ٹیکنالوجی کے اخراجات مجموعی طور پر 784.7 ارب یوآن رہے جو 5.7 فیصد کا اضافہ ہے۔ اس مدت کے دوران سماجی تحفظ اور روزگار پر خرچ 37.7 کھرب یوآن رہا جو 9.3 فیصد کا اضافہ ہے۔